pismo Don Filippa de Parenzzo Siori Spii in Bel Morettu
Carissimi Šijora Špija e Bel Moreto
Pasala je još jedna pitoreskna *(pittoresque)* šetimana. Politići se prontivaju tutta forza za predstojeće izbore za rvacke Europske predstavnke va Bruxellesu. Sada kada su va Rvackoj učinili totalni konfužjon i dizordine svi bi politići najradije htili otiči odmah malo u Bruxelles da i tamo učine malo „ordine na Rvacki način“ i stave va škvaru cilu Europu *pak da i Europa pokle tega parti remengo*, jušto tako kako smo i mi ovdje partili. I za to delo još mogu dobiti lipu plaću od dvadeset miljari Eura na misec, a što nije za hititi va škovace.
# Prezzi plina su nam krešili od ovega miseca za *6,9%,* struja je krešila za poduzeća od *20% do čak 40%,* a *pemzije su nam krešili za 1%,* a obečali su *2,55%.* *Oni va saboru pensaju da smo mi štupidi i da neznamo činiti kalkule.*
# Va saboru svakega dana vode *diškoršo onih brižnih petnaest zastupnika* koji su prezenti na sjednici, a ostalih *135 zastupnika **priđe na delo samo kada se triba izglasati kakova štupideza po naređenju Europe kontra interesa građana* i odmah parte nazad u kafić da se diverte i tako čekaju svoju nezarađenu saborsku plaću i privilegiranu mirovinu.
# Ove šetimane va saboru su se grdo beštimali sabornici iz oporbe i vladajuče koalicije i al fine su se malo i sa punjama obračunavali, tako da hi njanke bakini *(saborske gorile)* nisu mogli brzo frmati. Sada traže političi va saboru i međusobno se optužuju *ki je to va rvackoj kriv* od svih ovih *162 naših političkih partita* za sve ove cagade i pljačke države koje smo učinili va ovih pasanih 30 lita.
# Ove je šetimane je finalmente završija va pržunu pokle deset lita suđenja i *Sanader ex prešidente vlade Rvacke* i *morati će tornati državi 17 miliona kuna koje je jamio*. *Još se vodi kontra Sanadera 5 drugih procesa za kriminal i korupciju*.
# Giornalisti su otkrili da naša prešidenteza *Kokolinda piše doktorat* na temu, koja je već odbranjena kao *magistarski rad* va Sloveniji 2014. Lita – poli istega profešura koji je sada i Kokolindi mentor. Tako da ćemo imati va Rvackoj uskoro još dva nova dotura. *Dotura BANDIĆA* i *dotoresu KOKOLINDU*.
# *Od Europe* smo dobili iopet jedno priznanje kako šampioni. *Rvacka je prva va Europi po broju zatvorenika koji uspiju pobječi iz pržuna*.
# Niti ove šetimane, *Rvacka Vlada* nije donijela nikakovu konačnu odluku, kako je obećala, da će odlučiti ča treba napraviti da se *brodogradnja spase* i nastavi sa delom i izgradnjom brodova. *Škojo Olivi će finiti ili u stečaju*, ili će morati da zapre svoja vrata od škvera za vajka. Sada više nemamo njanke rafinerije nafte u Sisku, nemamo nijedne velike industrijske grane, nemamo banke, nemamo poljoprivrede, nemamo šolde, nemamo ni brodogradnje, a mladi ljudi biže ča kako šajete van iz Rvacke trbuhom za kruhom da delaju po bilemu svitu. *Va Rvackoj nam je ostalo još samo* *7K* *(sedam Ka)*:
# *K**uhari*
# *K**onobari*
# *K**urve *
# *K**riminalci - **(tajkuni, ladri, ubojice, pljačkaši)*
# *K**ulatini - **(Kurbini sinovi ili politići - „sette bandiere“ koji kambijevaju političke partite kako usrani čovik ča kambieva mudante - samo da sačuvaju svoje fotelje i ostali udupeuvlakači.)*
# *K**atolibani – **(klero-fašisti - turbo katolici koji delaju cilega dana kativerie i zlo svima okoli sebe, a prije spavanja izmole dvije Zdravo Marije da im Bog oprosti sve grihe pa da mogu nastaviti drugega dana iopet da delaju porcarie i kativerie.)*
# *K**reteni – ili „stoka sitnega zuba“- **(to su svi oni koji dozvoljavaju da od njih politići delaju već trideset lita da budu štupidi i imbecili)*
*Šenjivam se s rišpetom*
*Don Filippo de Parenzo*